التميز خلال 24 ساعة
العضو المميز الموضوع المميز المشرف المميز المشرفة المميزه
مہہدريہہدية قہہإهہہرتهہہم ¨¨¨«ركن خاص بالأعضاءومناسباتهم »¨¨¨
بقلم : طيـبـتـي أكبـر همـومي
قريبا ملاذي الحسين

تغريدات العراق الدائم


العودة   منتدى العراق الدائم > الاقسام الادبيه > الشعر الشعبي 2014

الشعر الشعبي 2014 شعر شعبي,شعر حب,شعر فراق,مسابقات شعرية,شاعر شعبي,شاعر ,انواع الشعر الشعبي,شعر عن الحب,شعر عن الاشتياق,شعر فراق,شعر غزل

إضافة رد
 
أدوات الموضوع إبحث في الموضوع انواع عرض الموضوع
قديم 04-06-2009   #1
عاصفة الصحراء
عضو جديد
 
تاريخ التسجيل: Apr 2009
العمر: 33
المشاركات: 18
قوة السمعة: 0
عاصفة الصحراء is on a distinguished road
افتراضي اشعار دارمي وزهيري وابوذيه

الدارمي
بغداد انتي الامل بغداد انتي الحيل....
لازم يجيلج صبح مهما طال الليل....

الابوذية
شجالك يا وطن عالاحباب هديت...
لا صبرت الناس ولا الوضع هديت....
كمشت الزين وللشين هديت....
وسلمت نفسك بس للحرامية....

الزهيري
معدانا شغل الفكر معد ابجي معد انحب....
واجوي دليلي بجمر واكطع وريدو انحب....
نداري بذور الهوى وتاليها ما تنحب....
وكلنا يا كلبي خلصنا وشبعنا هم وهم....
وما تاب كلبي ورجع هم من جديد وهم....
بكثر ما شفنا بالعشك مرار وهم....
بطلنا انعشك للموت معد نحب....
هاك استكانة جاي أشرب عوافــي
أو دزيته لك مخصوص يامايه صافي


رش الدرب تيــزاب حافي أعتـني لـك
جا شـلي بالرجليـن الما تجي لــــك

لو ترش مو تيــزاب لو تزرع ألغــام
اللحم خلـه إيروح أوصلـــك إعظـام

كل ما يجي الليل أذكر وفــــاكم
واذكر محاشي الطيب وابجي أبرهاكم


ويا النجم سهران وايدي أعلى خــدي
الليل أوظلام الليل شو كلها ضـــدي


وحدي ابنص الليل بس حيرتي أوياي
أبجي أعلى وقت الراح واتنطر الجاي


إشما تقول الناس عندي أنته لول
سو كلشي بالدلال يالحلو مخـول


يالتون تالي الليل سمعني حسك
لولا القلت والقال لعبر وونسك


شحجي وتريد الناس من عندي أحجـي
دمعتي إبطرف العين بس أحجي أبجـي

للخوه ماقضيت شي ماقضيته
حتى الصخر ياناس وتوسديته


انت العطش والماي وانت المشوفـه
ورسمش وحق عيناش بالكاس اشوفه

أرد انشدك وارجوك صارحني ياهواي
تذكرني لوغصيت من تشرب المــاي

نارك يخايب ماي مومثل نـــاري
اومن يطري بيا الشوق يحترق جاري

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون

بالك تقول الاه ياخويا بـــالك
كل التقوله ايصير روحي ابدالك

مبخوت أضل للشيب يافلان أذكـرك
أوينكرني نور العين من كون أنكرك

سبحانه من سـواك نص وجهك إعيــون
إزغيــر سبيــت الناس من تكبر شلون

بيدي أوقرضها الفار فجت عباتي
كل هذا ماطخيت وامشي ابرهاتي

أتمنى كون أيصير لحدي أويا لحدك
أو من يطلع الدفان أقعد وقعـــدك

بيدك ضيعت ديك الليـــالي
وبلحظه ما أجى أبعينك دلالي

شقيت ثوبي أعليك وصلته للنــص
جاوين قلبك أوياي صاير مثل جص




لاتهتم على الراح وي همك الراح
والعالي مو بالطول بالصبر ينلاح

اشمالك يبعد الروح لونك تغــير
عندي خوات أهواي طب أوتخير

يسألني البطران حالك إشلونــه
الغاضب الله إعليه هم ينشدوونـه

جاشلي بالخوان والماينفعـــــون
عود أمن اموت أيجون ويا اليشيعون

عبالي طيب زاد واعطيتك اعيون
تالي توج النار ويا اليكرهـــون

هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك

هـاك أبرتك. .و الخيـط خويــه إمش عنــي
لو بـيـــه أشل إجروح .. جان أشل ذنــي

علمني عالنسيان ارد انسى ضيمـــــك
وي غيري قمره اتصير بس حصتي ضيمك

سبحان امن خلاك تقسي ابغرامك
جانك اتداوي اجروح رقت كلامك

اوقف يبعد الروح اوياك الحســـاب
سَافر أو جرحي اينوح ليهسى ماطاب

هامسى أوها مصباح باجر يشيلـون
اورجليا شالت طيب من دمع العيون

الدنيا بس وياي شـدت عـــداوه
ولا واحد إمن الناس لجروحي داوه

ارد انشد الصباغ هم يصبغ اقــلوب
اصبغ دليلي اعليك واحزن فرد نوب

حـط باللبن تيــزاب مجبـور أشربـه
بس لا أشوفك يوم تمشي وي غربـــه

سباحه لك بالروح خضرى أوطريه
تسقيها من تشتاق وتمر علــــيه

ياماخذين الولف اوليفي وريد أويـاه
مانام لليل الشتى أومقدر على فرقاه

الدنيا ماتسواش لاتصفن إلهـا
عالطيب والمزيون يكثر حملها

يسألني البطران ليش وجهك اصفر
مايدري على المحبوب قلبي تفطر

يسألني البطران ليش راسك اقرع
مايدري على الحلوين شعري تشلع

يسألني البطران تشرب عرق ليش
هم سقم هم فراق هم لوعة الجيش

يسألني البطران اعربلي كان
حسباله مثل العام عقلي بمكانة











الدنيا بس أوياي صارت حريصـه
أو من سلة المكتوم تطلع لي شيصه

همي الليالي اتعود واتعاتب أوياك
احجايه للشمات خلاني فرقــاك

سـلـم ولَو بالعين تكفي الإشــــاره
روحي إبتلت بهواك .. سـويلي جـاره

أرد اسأل العراف واهل القوافـي
ليش الحجاب إيلوق للوجه صافي

شفت الضوه إمن إبعـيد كًًلت إحتركًًنه
لمـن وصلت البيت لن ولفي عدنــه

شمـاتي مو شـمات شمـاتي شمات
بالكًًبر ويسألـون حي بعده لو مـات

شمـاتي مو شمـات شمــاتي إخـوتي
حتى أمي يا هالناس تدعي إعله موتـي

شماتي موشمات شماتي خوتـي
حته امي ياهل ناس تتمنه موتي

شماتي موشمات شماتي اشرار
بالكبر ويقولون ياربي بالنـار

شماتي موشمات شماتي ورطــه
نصهم امن واجرام والباقي شرطه

شمـاتي مو شمـات شماتي تسعه
والعاشر إزغيرون يأشر باصبعـه

حطيتك بسرداب وفوقه متر صـب
اصبح الواشي وياك من ياكتر طب

وينه اليخَيـطْ العين ويفكني منهـــا
كل ما تصد للدار يكثر حزنــــها

لو غبت عني الروح احسبها شده
واحرق ابدمع العين حتى المخده

بالك تمر بالدار عنها أشمر ابعــيد
دار العزيز اهواي نوح أوبجي اتريد

عمده ارد امر بالدار والنوح ازيده
واسمع صداها يقول راح التريده

عمده ارد امر بالدار واشبع مغمه
والمعتني الطيبات لوطاح شيهمه

غصبن عليها الروح جابتني اشوفك
كفر عليها للوم بلجن تعوفــــك

ظلمى اوذرب عاثور لليلة شتى أوعت
روحي اشتهت ملقاه عتتني لك عــت

أهلا وسهلا بيــك وكثــر بالوياك
الكَلب قبل العين فز وتلـكَـــــاك

اقدر اسكت الناس وامك واخوتك
قلي شيسكت اهواك لودره ابموتك

ياعازة الخوان عازتها عــازه
والماوراها صياح وحشه الجنازه






انشدني عالحال حالي أعلى حـــــاله
سمجه أوشحيح الماي وبظهري فاله

حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت

اتعمن والعباس بسجن يالعيون
ابجن وهما هناه لوشالو اشلون

ياربي سترك رفت العين
واحبابي مو يمي بعيدين

كـلبي أرد أكـصه إبموس وأكوي إبمكانه
علمني إعله درووب كلهن مهـــــــــــانه

كلبي أرد أكـصه إبموس وبفاس أكطعه
خلصها بالسختــات مالحك ربعــــــــــه

القلب قال أحاه ! قتله وجعــــــــــتين
منهو الاجى أوعزاك من طقك البين

يالردت عني اتروح خليلي صبرين
واحد يصبر الروح والثاني للعـــين

شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله

إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع

اقعد ابتالي الليل وادعي ابصلاتي
ياربي بعد افلان شلي ابحيــــــاتي

ارد انصحك يافلان هذي النصيحه
عوف اتلف وادور حب الصريحه

احمل وفى والطيب والرقه كلــــــها
أوكل مشكله ابهالكون بس يمه حلها

ريته اليطيح ابضيج كون اخوه وياه
اوكل مايقول احاه كلها اتلــــــــــقاه

إلي تطلبه ايصير بس أمر انــته
أو لاتعب الجلمات أشرلي سكته

الرد
أطلب وقلك صار تامرني أنــــته
عمري من أول يوم بسمك رهنته

ميت والمعزيات يبجن عيـــــاره
طفن على التابوت راس الجكاره

الدهر شل يمناي شل يسرتي الــــــبين
جابيش اصبر الروح بيش امسح العين

متعجب المهموم يشرب جكاره
قلبي ابكثر مانوح تجويني ناره

من كثر حر الضلع أحترقن هدومي
وتسعين ناقة وجمل ماشالن همومي

هاك ابره هاك الخيط خويه ارد اكلفك
امقطع الدلال شله على عرفـــــــــــك

هاك ابره هاك الخيط كوم امشي عني
لو بيه اشل جروح جاشل هـــــــــذني

حسره الك بالدلال ظلت لما امـــوت
مادرت حقها الناس صوابي بسكوت

حسره وحدرها احاه وبقلبي لــوعه
كلما اضوق الزاد اركض وازوعه
















جاوبني تدري الوقت بوقاته سكتــاوي
موش أنته نبعة عشق بالحسن متغـاوي

مدري شجاني الليله حنـيت
واتقلب أعلى النار فريــت

خـل روحـــك إبعِـز دوم بالك تذلها
ولا تطلب الحاجــات إلاٌ من أهلهــا

غصبن عليـه الروح آنـه الأذلهـا
محتاج والحاجات ماهـمـه أهلهـا

أنوح أولاهلي يدرون بيه
تموت الروح والعله خفيه

بسك ولك يالبين دقاتك أويـــاي
أدقني وسط الضيق وتشمت اعداي

الاخو وقت الضيج ماينكر أخـته
أوحان الوقت هاليوم ياخويا وقته

لاتسأل إعله الحال خلـيها سكته
تسأل على المكتول والكاتل إنته

شحجي وتريد الناس من عندي أحجي
دمعتي إبطرف العين بس أحجي أبجي

أقبل صباح اليوم ابدنيتي هـــاي
شلت الردا أوفزيت لن عيني بهواي

لانفع نصحي أوياك لانفع لــــومي
أنا ادري مامحضوض راح ابقى دومي

حقي من أحامي إعليـــج ياشجرة التيـن
ماي الربيـــتي إعليه من دمعة العيــن

لاواشي لانمام يبعدني عــنك
بس النجف يهواي ياخذني منك

تيزاب أحط بالعين واعميها بجـــفاك
خافن تصد للغير أوتنسى المضى أوياك

الدهر بس وياي راكب إحصانــــه
ويكًًــلي وين إتروح جدامـك آنـه

بالـك تمر بالدار عنها إشمر إبعيـد
دار العزيز هواي نوح وبجي إتريـد

عمداً أمر بالدار والنـوح أزيــــده
وأسمع صداهـا إيكًـول راح التريـده

عمداً أمر بالدار وأشبع مغمــه
وابجي بجي المفطوم ومفارك أمه

الدنيه للتهواه ترقص امفرعــه
والماتريده بنوح لو خلص دمعه

متعجب بدنياك جرحتك مــره
منخل اقليبي صار بيه العمه يقره

أرد أسـأل العشاك ليش آنه مشتــاك
نايم إبحضن إهـواي واشكي من الفراك

ميت والمعزيــات موش أمهـاته
مايبجـَن إعله المات يبجـن شماته

ميت والمعزيات يبجن عيـــــاره
ويرمـن على التابوت كَطف الجكًاره

ميت والمعزيات مابيهن أمــــه
وحده التشـتم بيه وحـده التـغمه

همــك .. وهم الناس .. وهم هم الأيـام
وفوكــاها هم العين ماتقبل إتنـــــام

همك وهم الناس وهم الله فــــــوكـه
صاحت عليــه الناس جن عندي بوكــه

متعجـب المهمــوم يشرب جكــاره
كًًلبي بكثر ما نــوح تجويـني ناره

همــك .. وهم الناس وهم هم الهموم
لو وحده منهن بيــك ماتكًًدر إتكـوم

طقني أو طحت للقاع قلت اكتفى البين
طقاني مره النور أوخر ضوى العـين

الرد
كل دقش أعلى الراس بسش يدنياي
مطقوقه باليافوخ ماشوفن احــداي

اصغير وخاف إعليك من شـــدة الاه
اشنون احمل أنا افراق واصبر بلا اياه

الرد
اصغير وخاف اعليك من حضن امك
ابقلبي وقول ابعيد جاوين اضمــك

ارجو ان تعجبكم تحياتي



hauhv ]hvld ,.idvd ,hf,`di hsuhv ]hvld ,hf,`di ,.idvd

__________________

n200003
عاصفة الصحراء غير متواجد حالياً   رد مع اقتباس
قديم 04-07-2009   #2
الهفهاف
المديريـــدي
 
الصورة الرمزية الهفهاف
 
تاريخ التسجيل: Feb 2009
الدولة: الــبــصـــره (مدينه الهفهاف
العمر: 25
المشاركات: 2,584
قوة السمعة: 8
الهفهاف is on a distinguished road
افتراضي

هلا بخيتي الغاليه مشكور على الابداع

ونتضر المزيد منك وياهلا بيجبمنتدانى الغالي
الهفهاف غير متواجد حالياً   رد مع اقتباس
قديم 11-29-2010   #3
ملك الأحلام
عضو فضي
 
الصورة الرمزية ملك الأحلام
 
تاريخ التسجيل: Nov 2010
الدولة: العراق (الموصل الحدباء)
العمر: 25
المشاركات: 2,599
قوة السمعة: 9
ملك الأحلام has a spectacular aura aboutملك الأحلام has a spectacular aura aboutملك الأحلام has a spectacular aura about
افتراضي

مشكور على الابداع

ملك الاحلام
ونتضر المزيد منك
ملك الأحلام غير متواجد حالياً   رد مع اقتباس
قديم 11-29-2010   #4
XaVi
عضو ذهبي
 
الصورة الرمزية XaVi
 
تاريخ التسجيل: Feb 2010
الدولة: العراق
المشاركات: 6,737
قوة السمعة: 11
XaVi is on a distinguished road
افتراضي

شكرااا على الابيات دوم الابداع
تحياتي
__________________
XaVi غير متواجد حالياً   رد مع اقتباس
قديم 11-29-2010   #5
Sherzad Aliraqi
عضو متميز
 
الصورة الرمزية Sherzad Aliraqi
 
تاريخ التسجيل: Oct 2010
الدولة: (●̪•) ѕђэяф (●̪•)
العمر: 26
المشاركات: 1,150
قوة السمعة: 6
Sherzad Aliraqi is on a distinguished road
افتراضي

عــأشــوو حبــَ/ـي

دوم هـل ابداع والتمـيز

كون بخـَ/ــيـر لنــَ/ـكـون







__________________
ѕђэяф
Sherzad Aliraqi غير متواجد حالياً   رد مع اقتباس
قديم 11-29-2010   #6
•卍Germany Boy 卍•
عضو متميز
 
الصورة الرمزية •卍Germany Boy 卍•
 
تاريخ التسجيل: Oct 2010
الدولة: العراق
المشاركات: 991
قوة السمعة: 5
•卍Germany Boy 卍• is on a distinguished road
افتراضي

يسلموووووو أبيات روعه وربي
أنشاء الله دوام التألق
__________________
قال هتلر في كتابة (كفاحي):
لقد كان في وسعي أن أقضي على كل يهود العالم
لكني تركت بعضا منهم لتعرفوا
لماذا كنت أبيدهم؟



•卍Germany Boy 卍• غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:51 AM.


منتديات عراق الدائم عطاء بلا حدود ...!
new notificatio by 9adq_ala7sas
جميع الحقوق محفوظه لمنتدى وموقع العراق الدائم